Actualitats
Lo majordòm del papa Beneset XVI e un complice seràn jutjats per raubar de documents del Vatican
Lo majordòm del papa Beneset XVI, l’italian Paolo Gabriele, e un sieu complice presumit, seràn jutjats per la question de las filtracions de documents confidencials e per raubar e far difusion d’aqueles documents secrets de la Santa Ses, segon çò qu’a decidit lo jutge instructor del Tribunal d’Estat Vatican, Pero Antonio Bonnet. Concretament, Paolo Gabriele serà jutjat per panatòri e per difusion de documents secrets, e lo sieu complice presumit, Claudio Sciarpelletti, un informatician del Secretariat d’Estat Vatican, per complicitat.
Es lo primièr còp que las autoritats vaticanas parlan d’una segonda persona implicada dins l’afar apelat “Vatileaks”. Las recèrcas sus l’afar demòran dobèrtas e se prevei que seràn longas, sustot perque la question es fòrça complèxa e malaisida, e i a qualques possibilitats de trobar mai de complices de l’afar.
Ara per ara, s’es pas decidit la data de començament del jutjament. Se lo Vatican procedís per la via judiciala, lo majordòm poiriá èsser condemnat a 6 ans de preson, malgrat que tanben poiriá èsser graciat pel sant paire.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Los istorians, mon car Renat, non sabon qual tuèt Pèire de Castèlnòu, ni mai perqué. Mas lo mieu mèstre, En Guilhabèrt, es plasentièr, e fa d'umor… Li perdonaretz, segurament. Coralament.
M'agradaria d'aver mai d'esclarciments tocant l'assassinat dau legat aborrit P. de Castelnau, acte atribuit per la Glèia a Ramon VI dins lo sieu temps, e tot parier per la confession d'Innocenci III. Quora diètz que lo majordòme vos a "revelat" aqueli entre-senhas, que sens devi donar a tot aquò ?
Adieussiatz.
Que pòt aver de nos amagar darrièr un secret, quin qué siá "nòstra santa maire la gleisa" ??? E ben mainatz-vos qu'a ieu, lo majordòm o m'a mostrat tot : tot i es, la vida sexuala escandalosa de l'avèsque Folquet de Tolosa, lo contracte de tuaire signat de la man d'Inoncénic III comandant de d'assassinar lo legat Pèire de Castèlnòu a broa de Ròse, e mai las confession del meteis Inocenci III, qu'i reconeis obèrtament qu'a liurat Provença e país mondin a una ardada de tuaires et de chuca-sang fanatica qu'an pas res a veire amb la crestiantat. Mas tot aquò deu remorar secret, ne vos dobtatz plan. Se sètz plan savi al Jornalet, ne vos contarai d'autras, e de las plan crudèlas !
De documents "secrets" ? Mas que pòt aver a amagar "nòstra santa maire la gleisa" ? A ieu, que soi enastruc, lo majordòm m'a mostrats aqueles documents.
Polida foto, a tornat trobar lo cohador de sa joenessa lo Beneset ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari